أ
أ
لو بتدوري على وصفة شيش طاووق تطلع
معاكي أطرى وألذ من المطاعم، جربّي الوصفة دي! التتبيلة فخمة، والطعم يشهي، وكمان
هنعمل معاها سلطة الزبادي اليونانية (التيزيكي) اللي بتمشي حكاية مع أي نوع مشويات, والأجمل
, هنعرفك كل طرق التسوية: سواء على
الطاسة، في الفرن، أو على الفحم!
المكونات:
مكونات الشيش طاووق (لكيلو صدور فراخ):كيلو صدور فراخ (4 صدور كبار)، مقطعة مكعبات متوسطة
¾ كوب زيت زيتون
عصير 3 ليمونات
1 ملعقة كبيرة ملح
1 ملعقة صغيرة فلفل أسود
1 ملعقة كبيرة كزبرة ناشفة
2 ملعقة صغيرة بابريكا
1 ملعقة صغيرة جنزبيل مطحون
1 ملعقة صغيرة كمون
رشة (¼ ملعقة صغيرة) حبهان مطحون
رشة قرفة
1 ملعقة كبيرة معجون طماطم
8 فصوص ثوم مفروم (أو ملعقة كبيرة)
1½ ملعقة كبيرة معجون فلفل أحمر حلو (اختياري لكنه يُفضل)
بشر ليمون (اختياري لكن بيعزز الطعم جدًا)
1 كوب زبادي
خضار ألوان (فلفل أحمر، أصفر، أخضر + بصل مقطع مكعبات)
مكونات سلطة الزبادي اليونانية (التيزيكي):
2 علبة زبادي (170 جم للواحدة) أو زبادي يوناني1 خيار مبشور ومصفّى من الماء
1 فص ثوم مهروس (أو نصف فص حسب الرغبة)
4 ملاعق كبيرة شبت مفروم (الورق فقط)
عصير ليمونة
1 ملعقة صغيرة خل أبيض
4 ملاعق كبيرة زيت زيتون
رشة ملح وفلفل أسود
طريقة التحضير:
تتبيل الشيش طاووق:
اخلطي جميع مكونات التتبيلة في وعاء كبير (زيت الزيتون، الليمون،
الزبادي، التوابل، الثوم، معجون الطماطم، معجون الفلفل الحلو).ضيفي بشر الليمون لو متوفر.
ضيفي قطع الفراخ للتتبيلة وقلبيها كويس لحد ما تتغلف كويس.
غطي الوعاء وسيبيه في التلاجة لمدة 4 ساعات على الأقل (ويُفضل ليلة كاملة).
تجهيز الخضار:
قطعي الفلفل والبصل لمكعبات مناسبة.غلفيهم بتتبيلة خفيفة (زيت + رشة ملح وفلفل) لو حبيتي.
تركيب الأسياخ:
استخدمي أسياخ خشب (منقوعة في ماء) أو معدن.رصّي: قطعة بصل، فلفل، ثم فراخ، وهكذا.
طرق التسوية:
1. على الطاسة:
سخني طاسة غير لاصقة كويس جدًا.حطي الأسياخ وادّيها لسعة من كل الجوانب.
استخدمي فرشة لدهنها بخليط (زيت + شوية من التتبيلة).
غطيها شوية في النهاية لو محتاجة تكمل سوا.
2. في الفرن:
سخني الفرن على أعلى حرارة + الشواية من فوق.رصي الأسياخ في صينية مفرودة (ممكن على شبكة).
اقلبيها كل شوية وادهني بالتتبيلة.
3. على الفحم:
حطي الأسياخ على نار هادية.لفّيهم باستمرار عشان يستووا وياخدوا لون الفحم.
تحضير سلطة الزبادي (تيزيكي):
ابشري الخيار، رشّي عليه ملح وسيبيه يصفّي السوايل.اعصري الزبادي في مصفاة برضو.
امزجي الخيار مع الزبادي وباقي المكونات (الثوم، الشبت، الزيت، الليمون، الخل، الملح والفلفل).
قدميها باردة مع المشويات.
التقديم:
قدّمي الشيش طاووق مع سلطة الزبادي اليونانية.ممكن تقدميه مع رز مبهر أو في عيش شامي مع سلطة طحينة.
