البفتيك من أشهر أطباق اللحوم اللي بنحبها جميعًا، لكن مش دايمًا بنلاقي لحمة البفتيك الجاهزة أو ممكن تكون غالية, عشان كده جبتلكم وصفة سهلة وسريعة للبفتيك "الكداب" أو اللي معمول من اللحمة المفرومة بدل اللحمة السليمة، لكنه بيطلع طعمه قريب جدًا من البفتيك الأصلي، وطريقة تحضيره بتخلي الطعم رائع والقوام مضبوط، وكمان بيحافظ على شكله لما يتقلى. هتعلموا معايا إزاي تحضروا البفتيك الكداب بطريقة محترفة في البيت بأقل مجهود وأحسن طعم.

المكونات
لتحضير البفتيك المفروم:

500 جرام لحمة مفرومة (يفضل قليلة الدسم)

ملعقة صغيرة ملح

نصف ملعقة صغيرة فلفل أسود

نصف ملعقة صغيرة بودرة بصل

ملعقة كبيرة دقيق

لتحضير خلطة التغطية (البقسماط):

نصف كوب بقسماط ناعم

ربع كوب دقيق

نصف كوب نشا

ملعقة صغيرة ملح

نصف ملعقة صغيرة فلفل أسود

شطة حسب الرغبة

للتغطية والقلي:

2 بيضة

ملعقتين كبار لبن (حليب)

زيت نباتي للقلي

طريقة التحضير
تحضير البفتيك:

ضع اللحمة المفرومة في الكبة أو في وعاء، أضف الملح، الفلفل الأسود، بودرة البصل والدقيق.

اخلط المكونات جيدًا واعجنها حتى تتماسك وتتجانس.

افرد اللحمة على ورق زبدة وقطعها إلى شرائح رفيعة بحجم وشكل البفتيك الطبيعي.

التجميد:

ضع شرائح اللحمة المفرومة بين ورق زبدة فوق بعض، ثم غطيها جيدًا وضعها في الفريزر لمدة يوم كامل حتى تتجمد تمامًا، هذا يساعدها على التماسك أثناء القلي.

تحضير خلطة البقسماط:

اخلط البقسماط، الدقيق، النشا، الملح، الفلفل الأسود، والشطة جيدًا.

تغطية البفتيك:

في وعاء، اخفق البيض مع اللبن والفلفل الأسود.

اغمس شرائح البفتيك المجمدة في خليط البيض، ثم غطها جيدًا بخليط البقسماط حتى تتغطى بالكامل.

القلي:

سخن زيت نباتي على نار متوسطة في طاسة عميقة.

اقلي شرائح البفتيك المجمدة مباشرة في الزيت الساخن حتى تأخذ لون ذهبي جميل من الجهتين.

ارفعها على ورق مطبخ لتصريف الزيت الزائد.