فاهيتا الدجاج من الأكلات السريعة والمميزة بنكهتها الرائعة، تناسب الغداء أو العشاء وتتحضر بسهولة في المنزل بمكونات بسيطة وتتبيلة لذيذة تمنحها طعم المطاعم.

المقادير:
للدجاج:

نص كيلو صدور دجاج مقطعة شرائح
2 ملعقة كبيرة زيت زيتون
4 ملاعق كبار عصير ليمون
4 فصوص ثوم مفروم
نص معلقة صغيرة فلفل أسود
معلقة ونص بابريكا مدخنة
ربع معلقة صغيرة بودرة بصل
ثمن معلقة صغيرة كمون

للخضار:

من ربع لنص كيلو فلفل ألوان (أحمر، أصفر، أخضر) مقطع شرائح
بصلة كبيرة مقطعة شرائح
نفس توابل الفراخ (حسب الكمية)
ملعقة صغيرة زيت زيتون للتشويح

 الطريقة:

في طبق عميق، اخلطي زيت الزيتون مع عصير الليمون والثوم المفروم والتوابل (الفلفل الأسود، البابريكا، بودرة البصل، الكمون).
أضيفي شرائح الدجاج للتتبيلة، وقلّبيها كويس واتركيها ترتاح في التلاجة من ساعة إلى 3 ساعات.
في طاسة سخنة، شوّحي الدجاج على نار عالية لحد ما ياخد لون دهبي ويتشوح كويس.
ارفعي الدجاج من الطاسة، وضيفي الفلفل الألوان والبصل بنفس التتبيلة وشوّحيهم لحد ما يطروا شوية.
أضيفي الدجاج مرة تانية على الخضار وقلّبيهم مع بعض دقيقتين لحد ما تتجانس النكهات.
قدمي فاهيتا الدجاج سخنة مع خبز التورتيلا أو الأرز الأبيض أو البطاطس المحمرة.