الكيكه دي مناسبة جدًا للصيف لأنها باردة ومنعشة، ومكوناتها بسيطة موجودة في أي بيت. بعد ما تحضريها، هتحتاج بس ساعتين في التلاجة عشان تتماسك وتكون جاهزة للتقديم.

المكونات

طبقة البسكوت:
250 إلى 300 جرام بسكوت شاي أو أي بسكوت خفيف

120 جرام زبدة (مذابة)

1-2 معلقة ماء (اختياري لضبط القوام)

طبقة الكريمة:

1 لتر حليب (4 أكواب)

4 ملاعق كبيرة لبن بودرة (اختياري)

2 باكيت كريم كراميل (باكيت البودرة فقط)

100 جرام بسكوت مطحون ناعم

علبة قشطة (اختياري لإضافة قوام كريمي)

للتزيين (اختياري):

كاكاو خام

كراميل من باكيت الكريم كراميل

طريقة التحضير
تحضير طبقة البسكوت:

طحني البسكوت في محضرة الطعام أو باستخدام كيس وادعسيه بمطراق حتى يصبح ناعم زي الرمل.

ذوبي الزبدة في الميكروويف أو على النار.

اخلطي البسكوت المطحون مع الزبدة المذابة جيدًا، وإذا كانت العجينة ناشفة زيادة، ضيفي معلقة ماء أو اثنين وامزجي.

في صينية التشيز كيك (أو أي صينية مناسبة)، ضعي ورق زبدة على القاعدة وادهنيها بزيت قليل لتثبيت الورق.

افردي خليط البسكوت والزبدة في الصينية واضغطي عليه كويس بيدك أو بأداة لتثبيت الطبقة.

دخلي الصينية الثلاجة عشان الطبقة تمسك وتتجمد شوية أثناء تجهيز الطبقة الثانية.

تحضير طبقة الكريمة:

في وعاء، ضعي الحليب واللبن البودرة (لو هتستخدميه) والكريم كراميل، وقلبي كويس على البارد لحد ما يذوب الكريم كراميل واللبن البودرة تمامًا.

حمّي الخليط على نار متوسطة مع التحريك المستمر، وخلي بالك ما تغليه جامد عشان ما يلسعش. أول ما يبدأ يغلي وطبعًا يثخن شويه، ارفعيه من على النار وسيبيه يبرد شوية.

لما يبرد الخليط شوية، ضيفي البسكوت المطحون وعلبة القشطة (لو هتستخدميها) واخلطيهم بالخلاط الكهربائي حتى تحصلي على خليط كريمي ومتجانس.

صبي خليط الكريمة فوق طبقة البسكوت في الصينية، وبعدين زينيها بالكريم كراميل أو رشة كاكاو حسب الرغبة.

التقديم:

دخلي الصينية الثلاجة لمدة ساعتين على الأقل عشان الكيكة تمسك وتبرد كويس.

قدميها باردة واستمتعي بطعمها الرائع والمرطب في الحر