هنعمل باذنجان مقرمش وطعمه بيجنن، لدرجة ممكن يعجبك أكتر من البطاطس المحمرة الوصفة دي مش بس سهلة وسريعة، لكن كمان اقتصادية ومكوناتها متوفرة في كل بيت, كأنك بتاكل فرايز، لكن بباذنجان مقرمش من برّه وطري من جوه، وبدون ما يشرب زيت كتير!

المكونات:
لتحضير الباذنجان:

2 باذنجان متوسط الحجم (يفضل يكون قليل البذر)

2 ملعقة صغيرة ملح

خليط التغطية:

3 بيضات

1 ملعقة كبيرة خل (للتخلص من زفارة البيض)

رشة ملح

رشة فلفل أسود

1 ملعقة صغيرة ثوم بودر

1 ملعقة صغيرة بابريكا

دقيق (حسب الحاجة – يُضاف تدريجيًا حتى يتماسك الخليط)

1 ملعقة كبيرة نشا

للتغطية الخارجية:

بقسماط مطحون (خبز مجفف مطحون)

للقلي:

زيت نباتي (للقلي في طاسة بكمية متوسطة)

للتقديم (اختياري):
دقة ثوم وفلفل وليمون

طريقة التحضير:

تحضير الباذنجان:

قشّري الباذنجان وقطعيه حلقات، ثم إلى أصابع تشبه البطاطس المحمرة.

ضعيه في طبق ورشي عليه 2 ملعقة صغيرة ملح، وقلّبيه جيدًا.

اتركيه جانبًا لمدة 10–15 دقيقة عشان ينزل المياه الزايدة ويطري، وما يشربش زيت وقت القلي.

بعد كده، جففيه جيدًا بفوطة نظيفة.

تحضير خليط التغطية:

في بولة، اخلطي البيض مع الخل، الملح، الفلفل، الثوم البودر، البابريكا.

أضيفي الدقيق تدريجيًا مع التقليب المستمر لحد ما تحصلي على قوام تقيل ومتجانس (يشبه قوام خليط القرنبيط أو أثقل شوية).

أضيفي ملعقة كبيرة من النشا وقلّبي.

تغليف الباذنجان:

غلفي أصابع الباذنجان في خليط البيض والدقيق كويس.

مرريها بعد كده في بقسماط مطحون، واضغطي عليها شوية علشان يثبت عليها البقسماط.

القلي:

سخني الزيت في طاسة (زيت متوسط مش غزير).

اقلي الباذنجان على نار متوسطة، أول ما ينزل يعمل صوت "بقبقة" خفيف.

بمجرد ما يأخذ لون ذهبي محمر، طلعيه على مناديل مطبخ.

النصائح الذهبية:

صفي الزيت كل 2–3 مرات علشان يفضل نضيف.

لو الزيت اتوسخ، الباذنجان هيغمق في اللون.

اقلي الباذنجان على دفعات وما تكدسيه في الطاسة.

للتقديم:

ممكن تعملي دقة سريعة: بشر فلفل أخضر (حار أو رومي) + فصين ثوم + عصير ليمونة + ملح + فلفل أسود، واخلطيهم مع بعض.

قدمي الباذنجان مع الدقة، أو في سندوتشات، أو كطبق جانبي لذيذ.