التشيز كيك من الحلويات اللي بيحبها الكبار والصغار، وليها طعم مميز ومختلف. لكن عشان سعره بيكون غالي شوية، كتير مننا بيتردد يعمله في البيت, النهاردة هنجيبلك طريقة سهلة وبسيطة تحضّري بيها التشيز كيك في بيتك، بنفس طعم المحلات ويمكن أحلى كمان، وبأقل تكلفة.

مكونات التشيز كيك:

1 كوب بسكويت شاي سادة (أي نوع تفضليه)
نصف كوب زبدة سايحة
1 كوب كريمة مخفوقة (كريم شانتيه جاهز أو بودرة وتخفقيها مع لبن ساقع)
نصف كوب لبن مكثف محلى
ربع كوب قشطة
نصف كوب مربى توت (أو أي نوع مربى تفضليه)

طريقة التحضير خطوة بخطوة:

جهّزي القاعدة: هاتي حلة وحطيها على النار، وسيحي فيها الزبدة, بعدين، اطحني أو كسّري البسكويت وحطيه على الزبدة السايحة, قلّبي المكونات كويس لحد ما البسكويت يتشرب الزبدة ويبقى عامل زي الرمل المبلول، ودي هتكون قاعدة التشيز كيك.

حضّري حشوة التشيز كيك: في بولة، اخلطي اللبن المكثف المحلى مع القشطة وقلبيهم كويس لحد ما يمتزجوا, بعدين، ضيفي عليهم الكريمة المخفوقة وقلبي المكونات كلها مع بعض بلطف لحد ما تتجانس.

رصّي الطبقات وقدمي: هاتي كاسات التقديم اللي هتستخدميها, حطي في الأول طبقة من حشو التشيز كيك اللي جهزتيه. بعدين، حطي فوقيها طبقة من الكريمة المخفوقة (لو استخدمتي كريم شانتيه زيادة), وفي الآخر، زيني الوش بطبقة من مربى التوت.

وقدميه بالهنا والشفا! ممكن تدخلي الكاسات التلاجة شوية قبل التقديم عشان تتماسك أكتر وتبقى ساقعة ومنعشة.