بدون مجهود ولا تكاليف، جربي الطريقة الجديدة للشكشوكة للشيف نادية السيد, بمكونات بسيطة ومتوفرة في كل بيت.

المكونات:

2 ثمرة طماطم كبيرة مفرومة
1 بصلة متوسطة مفرومة
1 فلفل أخضر مقطع
½ ملعقة صغيرة بهارات مشكلة
1 ملعقة صغيرة بابريكا
ملح وفلفل حسب الذوق
4 بيضات
جبنة كوبايات أو موتزاريلا حسب الرغبة
ملعقة صغيرة زيت أو زبدة للتحمير

 الطريقة:

في طاسة على النار، شوّحي البصل في الزيت أو الزبدة لحد ما يدبل.
أضيفي الفلفل المقطع وقلّبيه مع البصل لحد ما يطرى شوية.
ضيفي الطماطم المفرومة وبهاراتك (الملح، الفلفل، البابريكا، البهارات المشكلة).
قلّبي المزيج لحد ما تتسبك الطماطم وتبقى صوص خفيف.
اعملي فتحات صغيرة في الخليط، واكسري فيها البيض واحدة واحدة.
غطي الطاسة وسيبي البيض يستوي على نار هادية.
قبل ما تطفي النار، رشي الجبنة على الوش وسيبيها تسيح.
قدميها سخنة مع عيش بلدي أو توست — طعمها يجنن