الموزة الضاني واحدة من أطيب وأطرى قطع اللحمة اللي ممكن تتاكل، وبتبقى مثالية جدًا للعزومات والمناسبات. في الوصفة دي، هنحضّر الموزة بطريقة بتخلّيها تذوب في الفم، بتتبيلة غنية وطعم مدخن خفيف، وهنقدّمها مع رز بسمتي بالبصل المحمّر وصوص الدقوس الخليجي الحار، وكمان المكسرات والعسل علشان نكمّل الطعم بفخامة.

المكونات:
مكونات الموزة الضاني:

موزة ضاني وزنها حوالي 1 كجم (مخليّة من العظم)

بصلة كبيرة أو 2 صغيرين

1 طماطم متوسطة

3–5 فصوص ثوم

2 ملعقة كبيرة من صوص حار مدخن (مثل سوجدت براند) أو بديله: فلفل أحمر حار/بارد حسب الرغبة

1 ملعقة صغيرة ملح

1 ملعقة صغيرة فلفل أسود

1 ملعقة صغيرة بابريكا مدخنة (اختياري)

2 ملعقة صغيرة بهارات لحمة

نصف ملعقة صغيرة كركم

ورق زبدة وفويل

ماء ساخن

مكونات الرز البسمتي بالبصل المحمّر:

2 كوب رز بسمتي مغسول ومنقوع نصف ساعة

2 ملعقة كبيرة سمنة

1 بصلة كبيرة مبشورة

2 فص ثوم (شرائح أو مهروس)

3 أكواب ماء مغلي (نسبة 1:1.5)

نصف ملعقة صغيرة ملح

1 ملعقة صغيرة بهارات كبسة أو بهارات أرز

نصف مكعب مرقة (اختياري)

مكونات الدقوس:

2 حبة طماطم

1 فلفل أخضر (حار أو بارد حسب الرغبة)

2 فص ثوم

حزمة صغيرة بقدونس أو كزبرة

عصير نصف ليمونة

1 ملعقة صغيرة خل

2 ملعقة كبيرة زيت

رشة ملح وكمون

مكونات التزيين:

لوز أو أي مكسرات مفضّلة (مثل سنوبر أو كاجو)

ملعقة صغيرة عسل (اختياري جدًا)

طريقة التحضير:
أولًا: تتبيل الموزة

في الخلاط، اضرب البصل والطماطم والثوم مع الصوص الحار (أو الفلفل الأحمر) وقليل من الماء حتى تحصل على تتبيلة سائلة ناعمة.

حط الموزة في بولة، وغطها بالتتبيلة.

أضف التوابل (ملح، فلفل، بابريكا، بهارات لحمة، كركم) وقلّب كويس.

غطّها كويس بالبلاستيك، واتركها في التتبيلة في الثلاجة يوم كامل (أو على الأقل ساعتين).

ثانيًا: تسوية الموزة

ضع الموزة المتبلة في طاجن فرن مبطّن بورق زبدة.

أضف القليل من التتبيلة فوقها، وقليل من الماء في قاع الطاجن.

لفها بورق الزبدة ثم غطِّ الطاجن بالفويل.

أدخلها فرن ساخن على حرارة منخفضة (160–180°C) لمدة 2–3 ساعات، حسب حجم الموزة.

بعد النضج، شغّل الشواية وسوّيها مكشوفة حتى تتحمّر وتاخد لون جميل.

ثالثًا: الرز البسمتي بالبصل المحمّر

في حلة على نار متوسطة، سيّح السمنة، وأضف البصل وقلّبه حتى ياخد لون دهبي غامق (زي البصل بتاع الكشري).

أضف الثوم وقلّب ثواني.

أضف الرز بعد تصفيته، وقلّبه حتى يتغلف بالسمنة.

أضف الماء المغلي والتوابل وغطّ الحلة.

هدّي النار لأقل درجة، وسيبه يستوي لمدة 15–20 دقيقة.

رابعًا: صوص الدقوس

في الخلاط، اخلط كل مكونات الدقوس حسب ذوقك.

اضربهم حتى تحصل على قوام ناعم.

خامسًا: التقديم

حمّر المكسرات في قليل من الزيت على نار متوسطة (راقبها كويس علشان ما تتحرقش).

حط الرز في طبق التقديم، وعليه الموزة.

رش الدهون (العصارة) اللي نزلت من الموزة فوق الرز.

زين بالمكسرات، ولو بتحب الطعم المسكّر، ضيف رشة عسل على الموزة.

قدّم جنبها صوص الدقوس.