وصفة لذيذة وسريعة تنفع لغداء أو عشاء خفيف وسريع  وهي مكرونة بالبسطرمة والخضروات والجبنة، وصفة كلها نكهات ومليانة ألوان، وكمان طريقة التحضير بسيطة ومش هتاخد وقت خالص ,مناسبة جدًا لأيام الصيف أو لما تكوني عايزة تعملي أكلة مختلفة من غير مجهود كبير.

المكونات:

½ كيلو مكرونة قلم (مسلوقة 7 دقائق ومصفّاة)

1 ملعقة كبيرة زبدة

1 ملعقة كبيرة زيت

2 فص ثوم مفروم

1 ثمرة بصل مفرومة

½ كوب بسطرمة مقطعة شرائح

1 ثمرة فلفل ألوان مقطعة مكعبات

¼ كوب ذرة حلوة

1 ثمرة طماطم مقطعة مكعبات

ملح وفلفل أسود حسب الرغبة

رشة من:

زعتر

أوريجانو

ريحان طازج أو مجفف

½ كوب جبنة مبشورة (تشيدر أو موزاريلا أو حسب المتوفر)

طريقة التحضير:

في طاسة على النار، ضعي الزبدة مع ملعقة زيت (لحماية الزبدة من الاحتراق).

أضيفي الثوم والبصل وقلبيهم حتى يذبلوا.

أضيفي شرائح البسطرمة وقلبيها لمدة دقيقة حتى تتشوح وتخرج نكهتها.

ضيفي الفلفل الألوان والذرة الحلوة والطماطم، وقلّبي المكونات جيدًا.

أضيفي الملح، الفلفل الأسود، والأعشاب (زعتر، أوريجانو، ريحان).

أضيفي المكرونة المسلوقة إلى الخليط، وقلّبيها مع باقي المكونات حتى تتجانس.

في الخطوة الأخيرة، أضيفي الجبنة المبشورة وقلّبيها حتى تذوب وتغلف المكرونة.

قدّمي المكرونة ساخنة، وزيّني الوجه بورق ريحان طازج حسب الرغبة.